نشف دم العتاب وجف ريق اللوم
معك ضاع الكلام وماتت احلامي
وش اللي ممكن اقوله وانا مصدوم
بعد مامات اجمل حلم قدامي
على كثر الحزن مامرني في يوم
مثل حزني على حقيقة اوهامي
انا ماني هنا يا طعنة المقسوم
على الكرسي بقايا حزن مترامي
جروحي ظلم واحساسي معك مظلوم
وصمتي سالفة جرحي عن آلامي
من عيونك عرفت ان الوفاء معدوم
ومن عيوني ياموطن جرحي الدامي
عرفت تطيح لكن ماعرفت تقوم
وانا ماهمني وش اسفل اقدامي
معك وإلا بدونك ماني بمحروم
ولكنك بدوني جايع وضامي
خذ الباب بطريقك واتحيا وتدوم
علشان الشعر والبوح وإلهامي
احاسيسي تبي بعدك وانا ملزوم
اوازي فعلي بتفكيري السامي
انا اكثر شخص يشبه شعره المنضوم
سناواتي ورق واحساسي اقلامي
من ايامي كفاك اللي مضى واليوم
نويق الحق على الباقي من ايامي
** لتنزيل اضغط هنا **
0 التعليقات:
إرسال تعليق